Өмірбаян
Әбдібек Аралбайұлы — 1944 ж. 16 тамыз, Пістелі; ақын, «Жыл ақыны» (2006) (фото). Стр.59–61 — его стихи
— Жаныс-Байыс шежіресі (2009), 58-бет —
ӘБДІБЕК АРАЛБАЙҰЛЫ 1944 жылы 16 тамызда Пістелі ауылында дүниеге келген. Бастауыш мектепті бітіріп, Каганович (қазіргі Абай) ауылындағы Ыбырай Алтынсарин атындағы мектепте оқып, жеті класстық білім алды. Қаратаудағы лесхозда, кейін Пістелідегі дүкенде ұста болып ұзақ жылдар еңбек етті. 1970 жылдан 1996 жылға дейін электрик, клуб меңгерушісі, ауа райын болжайтын мекемеде бақылаушы болып істеді. Өлеңді 1995 жылдан жаза бастаған. Содан бері үздіксіз жазып, аудандық, облыстық, т.б.газеттерде өлеңдері жиі-жиі жарияланып келеді. Қазығұрттық Рүстем Бегзатпен, Түлкібастық Гүлзия Мырзалиевамен, Айдарбек Пірімқұлымен, Арыстық Әнуарбек Шекербекұлымен газет бетінде айтысқа түсті. Қазіргі кезде аудандық орталық кітапханасында ұста болып қызмет етіп жүр. Осы қызметтермен қоса, Қаратаудың күнгейінің табиғатын зерттеумен және аңшылық саятшылықпен айналыса жүріп аңшылықты толық меңгерген. Облыстық дәрежедегі жүлделі сыйлықтардың иегері. 2006 жылдың ең үздік ақыны дәрежесінде “Жыл адамы” атанды.