Өмірбаян
Данаев Дәурен Төлегенұлы — 1962 ж. 18 тамыз Талғар ауд. Қызылту; өрт сөндіру қызметі полковнигі (фото). На стр.103 Төлеген — сын Ескендір; фамилия Данаев → линия Данай
— Жаныс-Байыс шежіресі (2009), 105-бет —
ДАНАЕВ ДӘУРЕН ТӨЛЕГЕНҰЛЫ 1962 жылғы 18 тамызда Талғар ауданының Қызылту ауылында туған. 1979 жылы орта мектепті бітірісімен, Алматыдағы автобазалардың бірінде жөндеуші болып істейді де, 1980 жылы әскерге шақырылып, Германияда сержант дәрежесінде міндетін өтейді. 1982 жылы әскерден келгесін, Алматыдағы әскериленген өрт сөндіру бөліміне қызметке кіреді. 1984-86 ж.ж. ССРО ПМ-нің Жоғары техникалық училищесінде оқып, Қаскелең қаласының ПБ-не қызметке жіберіледі. Онда 1993 жылға дейін инженер, бөлім бастығы болып істейді. 1993-99 ж.ж. Алматы облысының ІІД ӨСБ-де бөлім бастығының орынбасары, бөлім бастығы қызметтерін атқарады. 1999-2008 ж.ж. аралығында ҚР ТЖА Өрт қауіпсіздігі және Азаматтық қорғаныс ғылыми-зерттеу орталығының, Алматы облысының өрт сөндіру басқармасының бастығы болып істеді. Қазір Төтенше жағдайлар департаментінің бастығы болып істейді. Өртке қарсы қызмет полковнигі дәрежесіндегі шені бар. Екі ұл, бір қыздың әкесі, келіншегі - Маржан Қанатқызы. «Өрттен қорғау қызметінің үздігі», «ІІМ үздік қызметкері» төсбелгісімен, «Қазақстан Конституциясына 10 жыл», «Астана қаласына - 10 жыл» медальдарымен, Ресей Федерациясының III дәрежелі «Әулие Владимир» орденімен марапатталған.