Өмірбаян
Нұғман Күлдәрбекұлы Аралбай — 1960 ж., Пістелі; биология ғылымдарының докторы (1998), профессор (2002), ҚР БҒМ Ботаника және фитоинтродукция институтының директоры (фото)
— Жаныс-Байыс шежіресі (2009), 58-бет —
НҰҒМАН КҮЛДӘРБЕКҰЛЫ АРАЛБАЙ – 1960 жылы Оңтүстік Қазақстан облысы, Түлкібас ауданы, Пістелі ауылында туған, – ғалым, биология ғылымының докторы (1998), профессор (2002), ҚазҰУ-дің биология факультетін бітірген (1982). Қазақстан ҒА Алтай ботаника бағында бөлім меңгерушісі, жетекші ғылыми қызметкер, 1995-2005ж. Ботаника және фитоинтродукция институты директорының орынбасары, 2006-2007ж. ҚР Білім және Ғылым министірлігінің “Биологиялық зерттеулер орталығы” мемлекеттік кәсіпорын бас директорының ғылыми істер жөніндегі орынбасары, 2007 жылдан ҚР Білім және Ғылым министірлігінің Ботаника және фитоинтродукция институтының директоры. Негізгі ғылыми зерттеулері ботаника, флористика, этноботаника, география, экология және табиғат қорғау мәселелеріне арналған. Қазақстан өсімдіктер дүниесінің алуан түрлілігіне алғаш рет сандық баға берген және флораның автохтонды, жер аумағы мен түр байлығының функционалдық байланысы туралы ұғымды пайымдады. Ол ғылымға белгісіз өсімдіктің жаңа екі түрін ашты, оның жетекшілігімен Қазақстан флорасы бойынша республикада тұңғыш Оңтүстік Қазақстан, Жамбыл, Маңғыстау облыстары өсімдіктерінің мемлекеттік кадастры жасалып, жарық көрді. Республикадағы “Шөлденуге қарсы күрес жөніндегі ұлттық іс-әрекеттер жоспарын” (1999) және “Биологиялық алуан түрлілікті сақтау және тиімді пайдаланудың ұлттық стратегиясы мен іс-әрекеттер жоспарын” (1999) дайындаған авторлар ұжымының мүшесі. 100-ге жуық ғылыми еңбектері жарық көрген, оның 9-ы монография. Оның басшылығымен 10 ғылым кандидаты дайындалды. Қазақстан энциклопедиясының белсенді авторларының бірі.