Өмірбаян
Саудабаев Қанат Бекмырзаұлы — 1946 ж. Іле ауд. Жетіген; Мәдениет министрі (1988–91), ҚР Түркиядағы, Ұлыбританиядағы, АҚШ-тағы елшісі, Сыртқы істер министрі, 2007 ж. ҚР мемлекеттік хатшысы (фото)
— Жаныс-Байыс шежіресі (2009), 133-бет —
САУДАБАЕВ ҚАНАТ БЕКМЫРЗАҰЛЫ - 1946 жылы Алматы облысы Іле ауданының Жетіген ауылында туған. Орта мектепті бітірген сон, Ленинградтағы Н.Крупская атындағы Мәдениет институтының режисерлік бөлімін (1968), СОКП ОК жанындағы Қоғамдық Ғылымдар Академиясын (1988) бітірген. Қызметін М.Әуезов атындағы академиялық театрында режисер (1968-70) болып бастап, Қазақ циркінің директорлығына жоғарылатылған (1970-1976). Бұдан былайғы жерде оның қызметі үнемі асумен болды: Министрлер Кеңесінде мәдениет бөлімінің бастыгы (1976-1977), Мәденнет министірінің орынбасары (1977-1983), Мемлекеттік кино комитетінің төрағасы (1983-1988), Мәдениет министірі (1988-1991), ҚР-ның ССР-дағы өкілетті өкілі (1991-1992), алғашында КСРО-ның, кейіннен ҚР-ның Түркиядағы Төтенше және Өкілетті елшісі (1991-1994). Ал 1994 жылдың көкек-қараша айларында ҚР-ның Сыртқы істер министірі қызметін атқарды да, қайтадан Түркияға (1994-1996), кейіннен Ұлы Британия және Солтүстік Ирландияға (1996) Төтенше және Өкілетті елші болып кетті. 2000 жылы ол АҚШ-қа Төтенше және Өкілетті елші болып тағайындалды. 2007 жылдың 15 мамырынан бері КР- ның мемлекеттік хатшысы. Қ. Саудабаев мемлекет. пен халық алдында атқарған абройлы қызметі үшін көптеген ордендермен, медальдар мен марапатталған, сондай-ақ ол ғалым, жарық көрген кітаптары бар. > 133 +