Өмірбаян
— Жаныс-Байыс шежіресі (2009), 44-бет —
КӨЛБАЕВА РӘБИҒА ҚҰРМАНБАЙҚЫЗЫ – 1940 жылы 15 қарашада Түлкібас ауданының Көкбұлақ (Көкарық) ауылында туған. 1962 жылы Ташкенттегі тоқыма институтын бітірген, Шымкенттегі мақта-мата комбинатында Қазақстандағы жеңіл өнеркәсіп саласындағы алғашқы қазақ қыздарының арасынан шыққан маман ретінде қызмет жолын бастады. 1973-1978 жж. осында партия комитетінің хатшысы, 1978 жылдан Дзержинский аудандық партия кызметінің өнеркәсіп-транспорт бөлімінің меңгерушісі, “Эластик” бірлестігінің бас директоры, 1988 жылға дейін (7 жыл) осы аудандық партия комитетінің бірінші хатшысы болды. 1997 жылға дейін қалалық және облыстық атқару комитетінің, қалалық әкімшіліктің бөлім меңгерушісі, зейнеткерлікке шыққалы бері бүгінге дейін облыстық ардагерлер кеңесі төрағасының орынбасары. Дербес зейнеткер.