Қысқаша анықтама
Төле би Әлібекұлы — қазақ халқының үш ұлы биінің бірі. Әз Тәуке хан тұсында «Жеті жарғы» заң жинағын жасауға қатысқан. Қазіргі Жамбыл облысы Шу ауданының Жайсаң жайлауында туған. Он бес жасынан ел билігіне араласып, әділдігі мен шешендігімен танылған. Ташкентте он екі жыл билік жүргізген. Шежіре деректері бойынша Құдайберді әулетінен Төлеге дейін би де, бай да шықпағандықтан оларды «қарашоғыр» деп атаған. 1756 жылы Леңгір ауданының Ақбұрхан ордасында қайтыс болып, Ташкентте жерленген.
