Ассалаумағалейкум!

Қайырлы кеш, ағайын!

- ҚОСЫ БАТЫР бабамыздың 355 жылдығына орай, өткен 2025 жылы берекелі қоңыр күзде өткізілген мерейтой шараларының Ұйымдастыру комиссиясының төрағасы болған Рашид Қойлыбаев ініміздің сол тойды ұйымдастырып, өткізудегі еңбегіне ағайындар атынан — тағы да бір айтылған алғыс, көрсетілген құрметтері іспетті, әрі алдыңғы толқын ағаларына інілерінің жасаған ізеттері іспетті, өте бір құптарлық, тағлымды ІС-ШАРА өтіпті...

- Осынау, кейінгі буын жастарға үлгі боларлық тағлымды іс-шараны ұйымдастыруға ұйтқы болып, ағайынның ынтымағы мен бірлігіне, татулығына қызмет етіп жүрген Еркін, Арыстан, Рашид бастаған барша інілеріме мен де өз тарапымнан ризашылық сөзімді жеткізгім келді.

- Адамның адамдығы — айтқан сөздерінен ғана емес, айналасына жасаған жақсылығынан, ағайынға деген жанашырлығынан, ізеті мен құрметінен білінеді ғой.

- Алла Сіздерге зор денсаулық, ұзақ ғұмыр, отбасыларыңызға амандық, шаңырақтарыңызға шаттық пен береке берсін, аса қадірменді інілерім! Ағайынның алғыс, құрметіне бөленіп, абыройларыңыз асқақтай берсін!

Бакытжан сертеков