2026 жылдың 14 қазаны күні Тараз қаласындағы "Бақ сарай" мейрамханасының Кіші залында Жамбыл облысы бойынша "Шымыр ата" Қоры Төралқа мүшелерінің ұйымдастыруымен, Дулат бабамыздан тарайтын барлық аталардың Қорлары өкілдерінің қатысуымен келелі бас қосу жиыны болып өтті.

Жиынның күн тәртібіндегі мәселелері бойынша СӨЗ СӨЙЛЕГЕНДЕР мен қабылданған ШЕШІМДЕР:

1. Жиынды ашып, сөз сөйлеген Жамбыл облысы бойынша "Шымыр ата" Қорының төрағасы Есіркепов Оңласын Қарабайұлы жиналған қауымға тиісті ұсыныстарға сәйкес Республика бойынша "Шымыр" ата қорының төрағасы болып сайланған Әбілдаев Тілеухан Шілдебайұлын таныстырды.

2. "Сәмбет баба" Қорының төрағасы Есімбеков Дәулетбай Дасырұлы Сәмбет баба ұрпақтарының Ташкент қаласында Шымыр ата аруағына бағыштап ас берген кездерінде өткізген іс-шаралары және өзге елге барудың бірқатар қиындықтары жайында баяндады.

3. Жиынға қатысып отырған Дулат бабамыздан тарайтын барлық аталардың Қорлары өкілдерінің бір ауыздан ұсынып, мақұлдауларына сай, Республика бойынша "Дулат баба" Қорының жаңа төрағасы болып Досыбаев Шойбек мырза сайланды. ("Дулат баба" Қорының бұрынғы төрағасы жасының ұлғаюы мен денсаулығына байланысты аталмыш қоғамдық жұмысынан өз өтінішімен босады).

4. Жиынның күн тәртібінде болған барлық мәселелерді қорытындылаған Республика бойынша "Дулат баба" Қорының жаңа сайланған төрағасы Досыбаев Шойбек мырза:

- Алдағы 2027 жылы "Шымыр ата" аруағына бағыштап, Бестерек ата ұрпақтары ас беретініндігін;

- Бұған дейін Ташкент қаласында өткізіліп жүрген "Шымыр ата" асын бұдан былай өз Республикамыздың аумағында өткізу туралы шешім қабылданғанын хабарлады.