Өмірбаян
Сәбденов Ахметжан Мүсірепбекұлы — 1955 ж. 1 маусым, Шымкент; инженер-химик-технолог, комсомол қызметкері (фото); продолжение на след. стр. | (продолжение) 1997 ж. Тараз қаласы әкімінің бірінші орынбасары, 1998 ж. ОҚО құрылыс департаменті бастығының орынбасары
— Жаныс-Байыс шежіресі (2009), 49-бет —
СӘБДЕНОВ АХМЕТЖАН МҮСІРЕПБЕКҰЛЫ 1955 жылы 1 маусымда Шымкент қаласында туған. Ж.Жабаев атындағы орта мектепті 1972 жылы аяқтады. Инженер-химик-технолог мамандығы бойынша Қазақ химия-технологиялық институтын 1977 жылы бітірген. Еңбек жолын Жамбыл қаласындағы Жаңа-Жамбыл фосфор зауытының №7 сары фосфор цехында ауысым шебері болып бастады. 1979 жылдан бастап Зауыт комсомол комитеті ұйымдастыру бөлімінің меңгерушісі, Жамбыл облыстық комсомол комитеті ұйымдастыру бөлімінің меңгерушісі болып, комсомол жұмыстарында қызмет атқарған. 1983 жылдан партия жұмыстарында болып, Жамбыл өндірістік бірлестігі партия комитетінің хатшысы, Жамбыл облыстық партия комитеті бірінші хатшының көмекшісі, 1989 жылы Жамбыл қаласы Зауыт аудандық халықтар депутаттары Кеңесі атқару комитетінің төрағасы болып сайланды. 1991 жылдан Жамбыл қалалық атқару комитеті төрағасының орынбасары, Жамбыл қаласы әкімінің орынбасары қызметін атқарған. 1997 жылдан Тараз қаласы әкімінің бірінші орынбасары болып қызмет атқарған. 1998 жылдан Оңтүстік Қазақстан облысы құрылыс және аймақтарда құрылыс салу департаменті бастығының орынбасары қызметін атқарып келеді. 1983 жылы Мәскеу қаласында жоғары комсомол мектебін аяқтаған, саясат танушы. 1991 жылы Мәскеу қаласында Ресей басқару академиясын бітірген, экономист -сала жетекшісі. Бірнеше рет аудандық, қалалық және облыстық халық депутаттары Кеңесінің депутаты болып (Жамбыл облысында) сайланған. 1982 жылы Қазақстан КСР Жоғарғы Кеңесінің Құрмет грамотасымен және 3 медальмен марапатталған.