Өмірбаян
Архивтік дерек бойынша Барақ пен Секер — Дуанұлы Қоғыл батырдың ұлдары. Әкелері Астрахан маңындағы шайқаста қаза болған. Ағайынды батырлар Қаратөбе түбіндегі Ойрантөбе шайқасында ел жасағын бастап, қалмақ қолының зеңбірекшілеріне шабуыл жасаған және сол ұрыста қаза тапқан. Екеуінің қабірі Ойрантөбеде қатар жатқаны айтылады. Бұл мәліметтер ауызша тарих пен 2011 жылы жарияланған өлкетану мақаласына сүйенеді; нақты өмір жылдары белгісіз.