некролог
Облыстық Ақ Жол Газеті is with Тұрсынхан Толқынбайұлы.
·
⚜️Қарымды қаламгер, Қазақстанның Құрметті журналисі, Байзақ ауданының Құрметті азаматы Тұрсынхан Толқынбайұлы өмірден өтті.
⚜️Тұрсынхан Толқынбайұлы саналы ғұмырын ақпарат саласына арнап, өңірдің қоғамдық-мәдени өмірін, ел тарихы мен тағылымды тұлғалардың өнегелі жолын насихаттауға елеулі үлес қосты. Ол ұзақ жылдар бойы өңір шежіресіне айналған «Ақ жол» газетінде еңбек етіп, қарымды қаламгер, білікті журналист әрі өлкетанушы ретінде көпке танылды.
⚜️Еске салайық, Тұрсынхан Толқынбайұлы 2024 жылы бұқаралық ақпарат құралдары қызметкерлері күні мерекесінде еліміздің Мәдениет және ақпарат министрі Аида Балаеваның қолынан «Еңбек ардагері» төсбелгісін тағып, елордадан аймақ журналистикасының абыройын арттырып қайтқан еді.
⚜️Жамбыл баспасөзінде өзіндік қолтаңбасын қалдырған әріптесіміздің жарқын бейнесі ізінен басқан көптеген шәкірттері мен көзіқарақты оқырман жадында мәңгі сақталары хақ.
⚜️Марқұмның иманы саламат, жаны жәннатта болсын. Артында қалған ағайын-туыс, жақындарына қайғырып көңіл айтамыз.