Оспанов Әбіхай
Мәтін кітаптан автоматты түрде танылған, қате болуы мүмкін.
«Құлый баба ұрпақтары», бет 357–358 (иесінің шешімі 21.10.2026)
Авторы: көрсетілмеген
Оспанов Әбіхай
1925 жылы Жуалы ауданы, бұрынғы Қызыл-Күншығыс қазіргі Түктібай ауылында туылған. Қазақ темір жолында еңбек жолын 1945 жылы бастап, үздіксіз 43 жыл (1950-1952 жылдары әскер қатарында) 1988 жылы зейнетке шыққанша осы салада еңбек етті. ССРО темір жолдың “Құрметті темір жолшы” атағы мен “Темір жолға 150 жыл” мерекелік белгілерімен марапатталған. 1968-1988 жылдары 20 жыл қатарынан, сол жылдары белгіленген “Социалистік жарыстардың жеңімпазы” атақтарының иегері. 1962-1972 жылдары Бурно-Октябрь селолық кеңесінің депутаты болып сайланған. Қарапайым еңбеккер жан өз ортасында беделді, әділ, таза жүректі азамат болды. “Әке көрген оқ жонар” дегендей ұлы Рақымжан да әкесіне тартқан әділ, таза жүректі азамат.
Кәдірқұл Мамыралиев
Ақыл -- тозбайтын тон,
Білім -- таусылмайын кен.
Халық мақалы
1937 жылы Түктібай ауылында дүниеге келген. Жоғары білімді маман өзінің бар саналы өмірін болашақ ұрпақты тәрбиелеуге жұмсады. “Туған жерге туыңды тік” демей ме. Осы қағиданы берік ұстанған Кәдірқұл Мамыралиев өзі туыпөскен, қасиетті топырағын басқан Түктібай ауылындағы Мұхтар Әуезов атындағы орта мектепте 40 жыл үздіксіз еңбек етті. Ол жас ұрпаққа химия, биология пәндерінен дәріс берді. Мамыралиев “Халық ағарту ісінің озық қызметкері” белгісімен марапатталған.
Байменде