Нұрхат Кәдірқұлұлы
Мәтін кітаптан автоматты түрде танылған, қате болуы мүмкін.
«Құлый баба ұрпақтары», бет 369 (иесінің шешімі 21.10.2026)
Авторы: көрсетілмеген
Нұрхат Кәдірқұлұлы
Түктібай ауылында дүниеге келген. Орта мектепті бітірген соң Қазақтың мемлекеттік басқару академиясын бітірді. Нарықтық қатынас кезінде батыл қадам жасап, “Элита” шаруа қожалығын құрды. Іскер жас қолға алған істі тез меңгеріп, шаруасын дөңгелетіп әкетті. Көптеген жанұяға жұмыс тауып берді.
Бүгінде осы “Элита” шаруа қожалығының төрағасы. Шаруасы мығым. Нұрхат өз ісін дөңгелетіп жүрген, көп адамға жұмыс тауып беріп, еңбекке қамтып жүрген азамат. Сондай-ақ көпшілік жұмыстарға да батыл араласып, көмек қолын созып отырады.
Тәйтеліұлы Дәулеталы Табылды немересі - Дәулеталы колхоздастыру кезінде колхоз құруға атсалысқан. Тігінші. Сынықшы. Бірде Қапалбай деген шабандоз көкпарда аяғы қатты сынады. Соны Дәулеталы салады. Пәршеленіп кеткен аяқ кейін жазылып, әлгі кісі көкпарын тартып жүреді. Биғашұлы Бөлтірік - үлкен молда болған. Түкіргені ем болған. Кеңестік дәуірден қорықпай келгендерді емдеп беретін болған.
Бөлтірікұлы Жұманалы - Ұлы Отан соғысына қатысып, оралған соң шаруашылыққа абыройлы еңбек етті. Жолдасбекұлы Әді - Ұлы Отан соғысына қатысқан. Ленинградты азат етуге қатысқан. Наградалары мол. Бекжанұлы Жақан - Ұлы Отан соғысында ерлікпен шайқасып, жат жерде көз жұмды.