Қорғанбай Мамытов
Мәтін кітаптан автоматты түрде танылған, қате болуы мүмкін.
«Құлый баба ұрпақтары», бет 296–297 (иесінің шешімі 21.10.2026)
Авторы: көрсетілмеген
Қорғанбай Мамытов
Талапты ауылында дүниеге келген. Өмір жолын ұстаздықтан бастаған ол зейнетке шыққанша жас ұрпаққа тәлім-тәрбие берді. Қорғанбай Мамытовтың “Еңбек кітапшасында” бір ғана бұйрық бар екен. Ол бұйрық оны Талапты ауылындағы орталау мектепке ұстаздыққа жіберген бұйрық еді. Міне, Қорғанбай Мамытов зейнетке шыққанша осы мектепте ұстаздық етті. Ол домбырада тәп-тәуір ойнады. Осы өнерін ол жастарға үйретті. Одан домбыра тартуды үйренген көптеген жастар осы салада еңбек етіп жүр. Тіпті сазгерлер, өнер зерттеушілер де бар.
Батырхан Мұртаза
Еңбек жолын трактористіктен бастаған Батырхан Мұртаза, атышулы Ленин атындағы колхоз кадр бөлімін басқарды. Шер ағаның көптеген әңгіме-повестеріне кейіпкер болған Батырхан (Шер аға оны Батыл жан деп алады) әңгіме жазып, ол туындылары аудандық, облыстық басылымдарда жарық көрді. Қарапайым, әділ, кесіп бір-ақ сөйлейтін Батырхан Мұртаза бүгінде немере тәрбиелеп, аталық жаста бақытты өмір кешіп отыр.