Төлегенұлы Қуатбек
Мәтін кітаптан автоматты түрде танылған, қате болуы мүмкін.
«Құлый баба ұрпақтары», бет 363–365 (иесінің шешімі 21.10.2026)
Авторы: көрсетілмеген
Төлегенұлы Қуатбек
Қуатбек еңбекке ерте араласты. Алдымен Чкалов колхозында, сонан соң Буденный колхозында жұмыс істеп жүрген кезінде, ол колхоз әскери совхозға қосылды. Аталған шаруашылықта сушы болып еңбек етіп жүрген кезінде әскер қатарына шақырылып, Беларуссияның Могилев қаласында өз міндетін атқарды. Жақсы қызметі үшін медальмен марапатталды. Әскер қатарынан оралған соң Сейсекеқызы Жақсыкүлмен отау құрды. Еңбекті шоферлықтан (жүргізуші) бастады. Ал 1971 жылы іскер жас бригадирдің көмекшісі жұмысына ауыстырылды. 1974 жылы бригадир болып жұмыс істей бастады.
Жас бригадирдің үлкен табысқа қол жеткізуі де осы жылдан басталды. Бұл жылдары әскери совхоз 1000 гектарға дейін картоп өсіретін. Шаруашылықта небір майталман сушылар мол еді. Олардың арасындағы жарыс қызып жататын. Сол жарыста озып шығып, жүлделі орынға көтерілу оңай шаруа емес еді. Картоп өсірушілер бригадасын басқаратын Куатбектің жоғары табысқа жетуі үшін көп тер төгуіне тура келді.
Оның бригадасында С.Буздаев, Социалистік Еңбек Ері Мүсерепбек Бектаев сынды майталман сушылар болды.
“Балапанды күзде санайды”, -дегендей осы жылдың күз айы Қуатбек үшін табыс айы болды. Ол басқарған бригада картоптың әр гектарынан орта есеппен 320 центнерден өнім .. жрлтш ө
жинап, жарыстың көшін бастады. Осы үлкен жетістігі үшін Қуатбек Төлегенұлы ВЛКСМ Орталық Комитетінің Құрмет Грамотасымен марапатталды...
Дөңгеленген дүние артына өз өрнегін тастап алға жылжыды. Жетпіс жыл мызғымай тұрған Кеңес үкіметінің қабырғасы быт-шыты шығып құлады. Еліміз Егемендігін алды. Жас мемлекеттің алғашқы адымы оңай болған жоқ. Әрбір адам соған бейімделуге тиіс болды. Қуат Төлегенұлы да жаңа дәуірден өз орнын табуға ұмтылды. Ол оңай соққан жоқ. Ескінің жаңаға ауысуы қашанда қиын болатыны бар емес пе?!
Қуатбек осы 2000 жылы өзінің бұрынғы 20 гектар жеріне 71 гектар жер қосып алды. Енді өзі 1997 жылы құрған
“Тырнақбай” шаруа қожалығы аяғынан тік тұрып, еткен еңбек, төккен маңдай тердің нәтижесінде мол табысқа жете бастады. Қожалық ауыл шаруашылығы техникаларын сатып алды. Атап айтқанда екі МТЗ-80 тракторы, “Нива” комбайны мен ауыл шаруашылығына қажетті соқа-саймандар алынды. Жеке шаруа қожалығына ол балалары Медетбек, Мейірбек, Жаңабек, Бақыт және келіндері мен қыздарын тартты. “Әке көрген оқ жонар”, -дегендей олар да шаруаның көзін тауып, әке жолын қуды.
Куатбек қоғамдық жұмысқа да белсене араласады. Бүгінде ол ауылды газдандыру мен ауыз сумен қамтамасыз ету мәселелерімен айналысуда.
Жұбайы Жақсыкүл де еңбектің көзін тапқан аналардың бірі. Совхоздың бұзауын да бақты, сауыншы да болды. Бұзаудың тәуліктік салмақ қосуынан әте жоғары көрсеткішке жеткені үшін Жақсыкүл Бүкілодақтық ауыл шаруашылығы жетістіктері көрмесінің күміс медалімен марапатталды. Жақсыкүл - 10 бала тәрбиелеп өсірген ана. 1983 жылы ол
“Ардақты ана” медалімен наградталды.
Осынау бақытты отбасының, Куатбек пен Жақсыкүлдің 22 немересі бар. Үлкен қыздары Мейрамкүл М.Әуезов атындағы мектепте ұстаз. Гуля Тараз қаласындағы арнайы мектепте дәріс берсе, кіші ұлы Болат ТарГудің ШІ курсында, қызы Сәуле П курсында оқиды.
Тек көктеп шыққанымен гүлдемейтін өсімдік болады. Гүлдегенімен, жеміс бермейтін де ағаш бар. Ал өмірдің қызығы көктеген соң гүлдеу керек, гүлдеген соң жеміс беру керек емес пе! Міне, Қуатбек ұрпағының өсімдіктей гүлдегенін, көркейіп, өсіп-өнгенін, тамыр жайғанын қалайды. Ешқандай жамандықтың арам-шөптері басып кетпесе екен дейді.
Су ішпеген ағаш қисық та, тапал болып өседі. Жақсылықтың шапағаты, ізгіліктің нұры бойына дарып, зерделі де биік болып өссе екен дейсің. Адамдықты сезінген, жылылықты үғынған бала жақсы азамат болып өсері анық. Әрине, оған әкелік махаббат қажет. Куатбек өзінің бар әкелік махаббатын ұрпағына арнап жүрген жан.